312 days ago on recruitingapp-2713.umantis.com

Lavuratori FAR MEDIAS a Cuira

RTR Radiotelevisiun Svizra Rumantscha

  • Work region
  • Sector
  • Employment type
  • Position

 Please refer to JobSuchmaschine in your application

Lavuratori FAR MEDIAS a Cuira

RTR organisescha duas giadas l’onn in lavuratori FAR MEDIAS. Quel porscha in’invista en la lavur schurnalistica a tuttas persunas interessadas. La finamira dal lavuratori d’in di è d’emprender a far ina contribuziun per il microfon u in film per multimedia e da far emprimas experientschas persunalas en quest sectur.

lavuratori FAR MEDIAS

Il lavuratori sa drizza a persunas ch’han gust da far dumondas, da retschertgar, rapportar, moderar ed experimentar.

Absolventas ed absolvents da la maturitad gimnasiala u d’in emprendissadi (cun preferenza maturitad da professiun) che s’interessan per in praticum u stage (scolaziun accumpagnada superiura da schurnalissem al MAZ).
Per questas persunas vala il lavuratori sco emprim pass per sa recumandar sco futura praticanta u proxim stagiaire.

Interessentas ed interessents cun ina scolaziun solida ed experientscha da lavur che tschertgan ina nova sfida professiunala u ina plazza sco redactura u moderatur.
Per questas persunas porscha il lavuratori in’invista en la lavur dal mintgadi schurnalistic e furnescha bleras infurmaziuns per in’eventuala decisiun da midar professiun.

Program dal lavuratori FAR MEDIAS

cuntegn
curt input teoretic “Tge è schurnalissem?”
lavur individuala: producir ina contribuziun/novitad da radio
lavur en gruppa: producir ina contribuziun/film per multimedia
discurs persunal (intervista) ed elavurar questiunari
infurmaziuns sur da las offertas e pussaivladads da lavur che RTR porscha
gentar cuminaivel

datas
2 giadas l’onn: mintgamai il matg e november ina sonda da las 8.30 fin 17.30
ils proxims lavuratoris han lieu ils 27 da matg 2017 ed ils 18 da november 2017  

lieu
en chasa RTR, Via da Masans 2, Cuira

cundiziuns
esser pli vegl che 18 onns
minimum 4 / maximum 8 participantas e participants
il lavuratori FAR MEDIAS è gratuit
annunzia giavischada fin il pli tard duas emnas avant il lavuratori

organisaziun
post da scolaziun e furmaziun
prisca.bigliel@rtr.ch ed  uorschla.campell@rtr.ch

L'ultim termin per s'annunziar per il lavuratori è mintgamai 2 emnas avant ch'il lavuratori ha lieu.
Nizzegiai la chaschun ed As annunziai anc oz.